Webradio

FAMPANJAKANA NY FAHALEMANA : Jiolahy 11 no saron’ny Polisim-pirenena tao Toamasina

Nahitam-bokany ny ezaky ny Polisim-pirenena ny amin’ny fanamafisana ny ady atao amin’ny famongorana ny asan-jiolahy, izay nihombo tokoa tao anatin’ny herinandro maromaro. 25 avril 2017

Misy mantsy amin’izao fotoana izao ny ezaka ataon’ny Polisy, izay manao bemidina eny an’arabe, misava ny môtô sy ny fiara, mbamina fisavana ny kara-panondrom-pirenena.
Miara-miasa matotra amin’ny Lehiben’ny fokontany sy ireo olona any anatin’ny fiaraha-monina ny Polisim-pirenena manoloana izao ezaka goavana mampandry fahalemana izao. Nandritra izay ezaka manokana izay dia jiolahy miisa 11 no sarona.

Misy amin’izy ireo no efa jiolahy mpamerin-keloka,ao ireo voarohirohy tamina raharaha vono olona tamin’ny tifitra basy sy tamin’ny antsibe. Ao koa ny voarohirohy amin’ny fidorohana zava-mahadomelina, tao ireo sarona teo am-pikotrehana ny asa fanafihana. Nanamafy ny Polisim-pirenena fa mitohy hatrany ny asa fisafoana tsy tapaka atao eto Toamasina.


Ravo

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés