Webradio

KIDNAPPING NIFANESISESY : Ahiana hihena ireo mpandraharaha miasa eto Madagasikara

Tato ho ato izay dia betsaka ny trangana fanafihana ireo tranom-barotra lehibe na ny fakàna an-keriny Karàna. Mitaintaina fatratra ankehitriny ireo mpandraharaha manoloana izany tsy fandriam-pahalemana izany, izay saika manerana ny Nosy. 23 mai 2017

Atahorana noho izany ny mety ho fihenan’ireo mpandraharaha raha izao no mitohy.
Raha tsiahivina aza dia mbola tsy hita popoka hatramin’izao ilay zanaka karàna atao hoe Yanish Ismael, ilay nisy naka an-keriny teny Ilafy tamin’ny alahady heriny lasa teo.

Izany hoe tsy fantatra mazava hatreto ny tena fandehan’ity raharaha fakàna an-keriny ity na ireo samy mpanam-mbola sy mpandraharaha ara-barotra ihany no mifanafika na koa tena ireo jiolahy mihitsy no manatontosa ny « kidnapping ». Manoloana ny zava-misy dia namoaka fanambaràna ilay mpahay toe-karena Ramiliarison Andriampeno, ny sabotsy lasa teo, fa « mety hampihemotra ireo mpandraharaha miditra eto amintsika ity firongatry ny tsy fandriampahalemana ity satria manjary hampiditra fatiantoka azy ireo ny fanaramana mpitandro filaminana lafo dia lafo noho ny fahatahorana ireo mpanafika.

Eo ihany koa ny tsy fahatokisan’izy ireo intsony ny mpitandro filaminana satria matetika izy ireo indray no lasa miara-miasa amin’ireo jiolahy ».

Anisan’ny hamantaran’ireo vahiny fa firenena tena mahantra ity Nosintsika raha mitohy izao, ka mbola eo am-panaovana fanadihadiana lalina ny Zandarimariam-pirenena hatramin’izao.

Tatianà R.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés