Webradio

SOMAROHO ANDIANY FAHAEFATRA : Anaty fety tanteraka ireo vahoaka tonga maro ao Nosy Be

Efa am-bolana no nandrasan’ny besinimaro ny fahatongavan’ity Festival Somaroho, izay karakarain’ny tarika Wawa sy ny orinasa Telma. 4 août 2017

Tonga hanotrona ity hetsika goavam-be ity avokoa ny ankamaroan’ ireo Malagasy monina any ivelany, noho ny fitiavan’izy ireo ny ambiansy manokana atolotry ny tarika Wawa.

Nanomboka tamin’ny talata 2 aogositra lasa teo, ka hatramin’ny 6 aogositra ho avy izao dia milomano anaty fety sy hafaliana tanteraka ny vahoakan’i Nosy-Be Hell-Ville miaraka amin’ireo mpanakanto malagasy sy vahiny ary ireo mpizaha tany, mandritra ny fankalazana ny festival Somaroho, izay tohanan’ny orinasa Telma.

Raha ny vaovao voaray dia efa rakotra olona ny tanàna ary misesisesy ny fety miaraka amin’ireo hetsika madinika isan-karazany. Taloha, raha somary sadaikatra ny olona ny hiala sasatra any Nosy-Be dia efa mihamaro kosa ireo misafidy ny handeha any an-toerana noho ny fisian’ireo hetsika maro samihafa. Efa feno avokoa ny ankamaroan’ireo toerana fandraisam-bahiny ary ny ankamaroan’ny olona dia nanofa ireny toeram-pianarana na tranon’olon-tsotra ireny mandritra ny fandalovan’izy ireo ao Nosy-Be.


Mandra-maraina

Efa mianoka tanteraka ao anatin’ny fety aman-danonana ireo mpanotrona any Nosy Be, ka ny talata lasa teo, ohatra, dia ny fifaninanana bika aman’endrika “Miss et Mister Afro Somaroho” no notontosaina. Fifaninanana izay nandraisan’ny tovolahy sy tovovavy miisa 18 anjara. Izy ireto izay samy nanana ny volo lava na “afro” na ireny somary olioly. Nahitana fifaninanana fanatanjahantena toy ny baskety, izay nandraisan’ireo mpilalao dimy sangany tao amin’ny ekipa N1A Madagasikara, anjara.
Nanomboka afak’omaly ny seho an-tsehatra isan-karazany izay nandraisana mpanakanto malaza maro anjara.

Ny maraina dia toy ny mahazatra, nosokafana tamin’ny alalan’ny diabe na “carnaval” ny hetsika. Olona maro no nandray anjara tamin’izany, izay samy nisalotra fitafy manaitra sy mampiseho kolontsaina avy any Nosy Be avokoa. Nihodina manerana ny tanàna ny rehetra ary tehaka sy horakoraka no nandraisan’ny mpijery ireo mpilahatra. Nizotra avy hatrany tany amin’ny kianjan’ Ambodivoanio ny rehetra avy eo ary tany no nanatanterahana ny fanokafana ofisialy ny hetsika.

Pounie

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés