Webradio

LALAM-PIRENENA FAHA-6 : Mitaraina amin’ny faha- ratsian’ny lalana ireo mpamily taksiborosy

Hifandrobahagna ny famandrihagna toeragna atao amin’iregny taksiborosy manao zotra mampitohy an’i Diego mankany Ankify sy Ambanja iregny tato ho ato izay. 4 septembre 2017

Agnatin’ny famaragnana ny fialan-tsasatra lehibe izioty ka izegny no mahabetsaka ireo mpandeha, satria samy mirombaka mamonjy ny toeragna niaviany aby ny mpiala sasatra na ny mandeha na izay tonga. Amin’ny ankapobeny dia feno avokoa ireo fiara mpitatitra, araka ny nambaran’ny mpamily araiky manao io zotra voalaza agnabo io.Voalaza fa ka raha tsy mahampy ireo mpandeha, ireo fiara noho ny fahabetsahana misy. 

Amin’ny fotoagna maha betsaka ny mpandeha amin’ny maintany, indrindra amin’ny fotoagna fivezivezen’ireo mpiala sasatra tahaka izao. Araka ny voalaza fa lasa nofinofy hely ny fitsimpinagna iregny mpandeha manao tapa-dalagna iregny eny an-dalagna. Amin’ny fanenjehagna ny ora fimpodiagnana dia nahemotra ho amin’ny 1 ora maraina misy alohan’izegny ny fialagna aty Antsiranana raha hihazo an’Ambanja sy Ankify, satria manao zotra mandroso sy miverina ireo taksiborosy na minibus manao izany asa fitaterana izany aty an-toeragna. 

Ankoatra ny fanenjehana ny pasazy na mpandeha amin’io fanemoragna ny ora fiaingana io dia voalazan’ireo mpitatitra fa noho ny faharatsian’ny lalagna ihany koa no nagnanaovagna izegny. Ny lalagna izay laniagna agnatin’ny ora dimy dia lasa nitombo ora fito na valo izegny ankehitriny.

Marihina fa tamin’ny 3 ora maraina no fiaingana taloha tagny. Tsy takona afenina ny haratsian’igny lalam-pirenena fahenina izay mampitohy an’Antsiranana sy Ambanja igny tagnatin’ny taona vitsy lasa izay. Mampanahiragna an’ireo mpampiasa lalagna izany isan’andro, indrindra amin’ny asara. Tsiahivina fa agnisany fampagnantegnana nataon’ny Filoham-pirenena tamin’ny fampielezan-kevitra nataony izany nefa mbola mampanahiragna ireo mpampiasa lalagna hatramin’izao. 

Dradradraigny ombieny ombieny ny hanombohan’ny asa, nefa ka raha mbola ny teo ihany no iaignana. Andrasagna ombiagna indray vao hatomboka ny tegna asa fanamboaragna fa tsy asa kopandry ihany no hagnariagna ny saim-bahoaka amin’io lalam-pirenena fahenina nampagnantenaina ny maro ity. Volana vitsy dia fantatra fa ho lany ny taona 2017, sa andrasagna amin’ny fampielezan-kevitra amin’ny taona 2018 indray vao hatomboka ny asa.

Nagnambara hatrany ilay mpamily manao asa fitateragna avy aty Diego mankany Ankify sendra tafikoragna taminay fa ny lalagna tsy manjary ihany ny olagna hatreto fa ny mpandeha tegna betsaka amin’izioty. Agnatin’ny fotoagna maha tsara ny asan’ireo mpitatitra amin’izioty ka samy mahazo ny tandrify azy ny tsirairay. Miandry ny fanombohan’ny asa fanamboaran-dalagna ihany ireto farany mba hampihegny ny lany amin’ny fanoloagna ny kojakoja madinika amin’ny fiara sy fitombosan’ny solika ampiasaina noho ny faharatsian’ny lalagna no antony voalohany mahatonga izegny. Fantatra fa 20 000ariary ny saram-pitateragna mankany Ankify, raha 18000ariary mankany Ambanja, miala avy aty Antsiranana amin’izioty.

Tsy sasatra manaitry ny tompon’andraikitra voakasika ireo mpitatitra amin’ny fanombohan’ny asa fagnamboaran-dalana tegna izy fa izegny ihany no olagna mianjady amin’izy ireo sy ny mpandeha ihany koa mba mahita fahasahiragnana vokatra izegny faharatsian’ny lalagna izegny.


Mpanjono

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés