Webradio

TRANGA

SAMBAVA : Renim-pianakaviana marary nosolokian’ilay solombavambahoaka

Ny solombavambahoaka izay noheverina hiaro sy hanampy hatrany ny vahoaka no lasa mpandainga, mpisoloky any amin’ny distrikan’i Sambava.  10 janvier 2018

Isan’ireo olona voasoloky ny renim-pianakaviana iray izay  monina ao Sambava. Araka ny nambaran’ny fianakavian’ity  renim-pianakaviana ity dia voan’ny goatra ity farany ary tapa-kevitra ny hitsabo tena any  Antananarivo ka nitady fanampiana amin’izay olona tsara sitrapo. Anisany olona niangavian’ity renim-pianakaviana ity hanampy azy ity solombavambahoaka ity. Nanana vola 2 tapitrisa ariary  ilay renim-pianakaviana ka nitady vola fanampiny hoentiny hitsabo tena any Antananarivo. Araka ny fanampim-panazavana hatrany nilaza fa vonona hanampy an’ilay renim-pianakaviana ity solombavambahoaka ity. 

«  Nasainy nalefa taminy ilay vola 2 tapitrisa ariary ka izy no hameno ny banga rehefa tonga any Antananarivo ilay renim-pianakaviana marary  », hoy ny fianakavian’ilay renim-pianakaviana marary. Akory anefa ny hagagan’ity renim-pianakaviana ity rehefa tonga tany Antananarivo.

«  Tsy hita ary tsy mandray antso ity depiote ity. Raha tsy mpandraharaha iray avy any Sambava no nanampy an’ity renim-pianakaviana ity ka nanome ity farany vola 500 000 ariary dia tsy tafaverina tany Sambava  », hoy ilay fianakaviana. Tsara ny manamarika fa tsy vitsy ireo olona mitaraina amin’ny fihetsika ratsy ataon’ity solombavambahoka izay mialokaloka ambadiky ny antoko Hvm. Lasa Hvm hiringiriny indray mantsy ilay ranamana na dia lany tamin’ny lokon’ny fikambanana mahaleo tena iray tao Sambava aza.

Pounie sy A.Lepêcheur

modération a priori

Ce forum est modéré a priori : votre contribution n'apparaîtra qu'après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés