Webradio

ANDRO IRAISAM-PIRENENA HO AN’NY FAHASALAMANA : Nanao fitiliana diabeta ny tao Toamasina

Tsy diso anjara tamin’ny fanamarihana ny andro iraisam-pirenena ho an’ny fahasalamana ny tao Toamasina. 11 avril 2018

Ny 7 avrily no daty nosafidin’ny Oms nanamarihana io andro iraisam-pirenena io. Tamin’ity taona 2018 ity dia feno 70 taona ny nanamarihana ny andro iraisam-pirenena ho an’ny fahasalamana. Ho an’i Toamasina manokana, nisy diabe niainga avy teo anoloan’ny Crjs nandalo tao Tanambao V sy Bazary Kely, Hopitaly Kely ary niverina teo anoloan’ny Crjs ihany.

Narahina dihy mirindra sy zumba izany avy eo. «  Fahasalamana ho an’ny rehetra  », io no lohahevitra tamin’izao 7 avrily 2018 izao. Nisongadina nandritra ny fanentanana fa mbola maro ireo olona manadino ny maha zava-dehibe ny fanaovana fanatanjahan-tena ka izany no nahatonga izao diabe sy dihy mirindra izao. Noho ny adidy aman’andraikitra sahanina isan’andro, dia tsy mba manokana fotoana anaovana fanetseham-batana ny ankamaroan’ny olona. Nampahatsiahivina nandritra io fotoana io fa zava-dehibe ho an’ny fahasalamana ny fanaovana fanatanjahan-tena.

Nahaliana ireo rehetra tonga niatrika izao fanamarihana ny andro iraisam-pirenena ho an’ny fahasalamana izao koa ny fanaovana fitiliana diabeta maimaimpoana. Raha olona 300 no novinavinain’ny mpikararaka hanao fitiliana, dia tafakatra avo roa heny izany. Fantatra nandritra izany fa ny ¼n’ny olona nandalo fitiliana dia nahitana soritra fahabetsahanan’ny siramamy ao amin’ny vatana avokoa. Ankoatra io fitiliana diabeta maimaimpoana io dia nisy ny fitiliana tsimok’aretina Vih/Sida, ny homamiadan’ny vozon’ny tranon-jaza, ny fametrahana fanabeazana maharitra ary ny fitiliana areti-maso ‘cataracte’ sy ny ati-mason’ireo olona diabetika.

Nampahafantarina nandritra io andro iraisam-pirenena ho an’ny fahasalamana tao Toamasina io koa ny hisian’ny fanaovam- bakisinin’ny lefakozatra ny 23 hatramin’ny 25 avrily izao. Hetsika andiany faha-13 ho an’ny minisiteran’ny fahasalamana.


Kamy

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés