Webradio

KITRA AFRIKANINA : Herijika kely no hahatafiakatra ny Fosa junior amin’ny dingana manaraka

Nobabon’i Ghana tanteraka teo amin’ny dingan’ny ampaha valon-dalana miverina, mandroso isika malagasy dia ny Fosa izany. 10 avril 2018

Silaka angofo no hany sisa nandrangotan’i Dax, kapitenin’ ny Fosa ny baolina tokana azontsika nandritra io lalao marikivy be io. Satria dia tataka be 6 no ho 1 no nandavoan’ny ekipa Ghana an’i Fosa, raha nitarika isa iray vao telo minitra nanombohan’ ny lalao isika malagasy. 

Kanefa dia nivadika ho nofy ratsy izany nandritry ny sivifolo minitra nifanjevoana teny ambony kianja, ka nahalavo antsika tamin’io isa  mavesatra 6 no ho 1 io. Tamin’ny telo ora, ora tany an-toerana raha tamin’ny enina ora taty Madagasikara no nanaovana io lalao mandroso io ny folakandron’ ny alahady 08 avrily teo tao Acra, renivohitr’i Ghana.

Vesatra ho an’i Fosa ireny ary kely ny herijika entiny manohitra io vokatra io, na dia aty an-jaridainantsika aza no hanaovana ny lalao miverina. Ary isa 5 no 0 no tsy maintsy andresentsika azy ireo raha te hiakatra eo amin’ny dingana manaraka. Miantso ny vahoaka eto Mahajanga, eny manerana an’i Madagasikara mihitsy i Bob, mpanazatra ny Fosa ho tonga maro hanohana ity ekipa miaro ny voninahi-pirenena ity ao amin’ny kianjan’i Rabemananjara ao. 

Koa etoana dia mirary soa ho an’i Fosa hatrany izahay ekipa eto amin’ny fanoratana Ino vaovao faritra Mahajanga ho amin’izay isa 5 no 0 tsy maintsy hotratrarina izany mba ho tafiakatra eo amin’ny dingana manaraka.


INVMGA.   

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés