Webradio

VOKATRY NY FAHAMAMOANA DISO TAFAHOATRA : Rangahy iray hita faty tao Nosibe Ambalavao

Tafavory vao maraina ireo mponina tao amin’ny Fokontany Nosibe Kaominina Ambalavao Antananarivo Atsimondrano, ny talata lasa teo. 3 mai 2018

Lehilahy iray tokony ho 45taona eo no hita faty ka nanaitra ny fokonolona. Araka  ny loharanom-baovao voaray dia nisy nahita nitsirara tao anaty tanimbary teny amin’ny manodidina izy io. Nisy nampandre avy hatrany ny mpitandro filaminana avy ao Ambatofotsy.

 Avy hatrany dia nidina ifotony  izy ireo niaraka  tamin’ireo mpitsabo teny amin’ny Csb II  mba hizaha ny vatana mangatsiaka. Fantatra tamin’izany fa Rakotomavo  Jean de Dieu no anaran’ity namoy ny ainy,ary zanaky Razafibe sy Razafinandrasana. Rehefa navadi- badika ihany koa ilay razana dia voaporofo fa noho ny fahamamoana diso tafahoatra no nahatonga azy namoy ainy. 

Taorian’ny fikarakarana rehetra nataon’ny zandary sy ny fizahana dia efa eo am-pelatanan’ny fianakaviany itsy farany raha ny tatitra voaray hatrany .

Tatianà R. 

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés