Webradio

TANANA MANAMORONA NY RN4 : Mijaly ireo fiara noho ireo mpivarotra sy mpividy anaty lalana

Sahirana ireo mpampiasa lalana amin’iny lalam-pirenena fahaefatra iny noho ny tsena ataon’ireo tanàna maromaro anaty lalana.  8 mai 2018

Anisan’izany ny ao Antanimbary sy ao 5/5 Berivotra. Ny lalana no lasa tsena, ka anaty lalam-pirenena no mifanaretsaka ny rehetra, tsy kely tsy lehibe. Feno elobe ihany koa ny sisin-dalana ka tsy afaka mifanena ny fiarakodia roa. Ireo fiarabe ihany koa dia mananosarotra ny fandalovany. 

Ahiana ny hisian’ny loza mahatsiravina satria na mandeha mora aza ny mpamily dia ahiana ny hisy hianjera any ambany fiara noho ny fifanosehana. Misy zandary mandehandeha amin’ny tsena saingy tsy mandamina olona sy fifamoivoizana mihitsy. Marihina moa fa anisan’ny asan’ny zandary ny fandaminana ny fifamoivoizana ohatra izao saingy tsy ataon’izy ireo izany ankehitriny.

Gaboraraka tanteraka. Efa maro ireo mitaraina satria dia 30mn farafahakeliny vao tafala tao anaty olona ny fiarakodia izay mampiasa ny lalana. Teo aloha dia nisy ny famatsiana fanamboarana tsena nataon’ny FID. Saika efa manana tsena daholo ireny tanàna ireny saingy ny mahagaga dia mbola manenjika sisin-dalana avokoa nefa tsy ny mpampiasa lalana no mpanjifan’izy ireo fa izy samy tompon-tanana sy ny manodidina ihany. Ilaina, araka izany, ny fandraisan’ireo tompon’andraiki-panjakana andraikitra amin’ny fandaminana ny ohatra izao, mba tsy hiitatra sy hanakorontana ny hafa.


Vanessa

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés