Webradio

FIAROVANA NY ROHIVOAARY ALA HONKO : Nankalazaina ny 26 jolay teo ny andro iraisam-pirenena

Tany amin’ny fokontany Ambatomalama sy Amboanio ao amin’ny kaominina Boanamary iny no nanamarihana ny andro iraisam-pirenena ho an’ny fiarovana ny rohivoaary alahonko, ny 26 jolay teo.  3 août 2018

Nidina teny ireo mpikambana ao amin’ny CRGIZC na comité régional des gestions integrées des zones cotières tarihin’ny faritra Boeny nosoloin’i Marcellin Randriambololona  tena. Nijery ireo ezaka vitan’ny mpiray ombon’antoka amin’ny fambolena honko sy famerenana amin’ny laoniny ny alahonko izy ireo. 

Hita tamin’izany fa mandeha tsara ny fambolena honko ary 90% ny nambolena dia nitsiry avokoa. Telo taona aorian’ny nambolena azy dia efa mahatratra roa metatra mahery ny hazo honko. Nanohana ireo Vondron’olona ifotony ny PAZC (projet d’adaptation aux changements climatiques dans les zones cotières sy ny tetikasa PAGE-GIZ (projet d’appui à la gestion de l’environnement). 

Ny PAGE moa dia manohana ny VOI fitaratra izay efa nahavoly velaran-tany mihoatra ny 100ha. Ny PAZC kosa manohana ny VOI vonona izay nahavita voly 27ha. Araka ny nambaran’i Remisy Celestin dia fahombiazana no hita ary efa manomboka miverina amin’ny laoniny ny ala honko amin’iny faritra iny. Sambany no nisy ny fankalazana toy izao satria vao niorina io komity io ary tsy ela no niasa, ka ny tanjony dia mandrindra ny fitantanana sy fiarovana ny morontsiraka. Nambaran’i Remisy Celestin hatrany fa dingana lehibe io vita io satria zava-dehibe eo amin’ny fiainan’ny zanak’olombelona ny ala honko, any no manatody ireo karazana hazandrano toy ny drakaka, makamba sy filao. 

Miaro amin’ny fiovaovan’ny toetrandro ihany koa satria betsaka ny fahafahany manapo ‘sequestration de carbone”. Ankoatr’izay dia miaro ny sisin-dranomasina tsy ho kaohin’ny riaka. Ary indrindra ilain’ny olona monina aty amin’ny faritra amin’ny fanorenana rehetra, na trano na tokotany. Hatramin’izao dia mbola tsy misy akora hafa mahasolo ny honko eto Mahajanga. Mora ambolena anefa izy io, satria afaka dimy taona dia azo trandrahina. Hany ka mandrapahitana vahaolana hafa dia entanina ny olona hamboly, mba hampihena ny tsindry amin’ny ala honko voajanahary.

Vanessa

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés