Webradio

FANDRAHARAHANA ARA-BAROTRA AO SAMBAVA : Vary simba mahatratra 200 gony tsy maintsy nopotehina

Miparitaka sy manomboka miely ao an-tampon-tanànan’i Sambava tato ho ato ireo vary lo sy efa  simba. 3 août 2018

 Manoloana izay tranga  izay dia nisy ny  hetsika nataon’ny avy ao amin’ny Talem-paritry ny varotra sy ny fanjifana mba hamongorana ny mety ho fihanak’izany satria hiteraka tsy fahasalaman’ireo mpanjifa avy hatrany  ny fihinanana  azy.  Raha ny tany amin’ny Faritr’i Toamasina iny no tena nampirongatra azy teo aloha dia mitady  hiparitaka manerana ny Nosy raha ny fanadihadiana natao mahakasika ny fandraharahana ara-barotra. 

Fantatra tamin’ny angom-baovao voaray àry  fa vary nafarana mpandraharaha  iray tao Sambava, manodidina ny 200 gony eo  no voatery nogiazana sy nopotehina  ny faran’ny volana jolay lasa teo iny.  Simba tanteraka ary tsy nisy azo noraisina intsony. Izany indrindra no antony nandraisana fepetra satria hanahirana ny hifehy ny fiparitahany raha toa ka efa voatsinjara  eny an-tsena. 

Hentitra rahateo koa ny fanaraha-maso ireo entana miditra ao amin’ny Faritra Sava raha ny fanampim-panazavana voaray avy tamin’ny Talem-paritry ny varotra sy ny fanjifana  Be Christophe ka miezaka hatrany ity farany mba hijery akaiky ny entana mivoaka sy miditra. Nohazavain’ireo tompon’entana tamin’io fotoana io fa “ tsy  ireo vary akory no lany daty fa  efa ela loatra  ny fipetrahany tao anaty sambo, hany ka  izao potika tsy hay amidy intsony izao”.  Efa fanindroany ihany koa anefa no nisy tranga tahaka izay tamin’ity mpandraharaha ity. Mitohy hatrany araka izany  ny fisavana ireo vokatra amidy ao an-toerana mba hanatsarana ny tontolon’ny fandraharana.


Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés