Webradio

SAMBAVA : Nanatanteraka fikaonan-doha nandritra ny roa andro momba ny ady amin’ny fitsaram-bahaoaka

Raha ny fanadihadiana natao mahakasika ny tsy fandriampahalemana sy ny  fanjakan’ny fitsaram-bahaoaka  eto Madagasikara dia  voalaza fa  tafiditra amin’ireo voasokajy manokana  ho faritra mena i Sambava, izay voakilasy  eo amin’ny laharana faharoa manerana ny Nosy.   3 août 2018

Nisy ny fanatanterahana fikaonan-doha nitadiavana vahaolana tao anatin’ny roa andro. Nanomboka ny 1 aogositra teo   ny  adihevitra ka nifarana omaly. Tonga niatrika ny lanonam-panokafana ny minisitry ny Fitsarana, Harimisa Noro Vololona sy ny minisitry ny filaminana anatiny,  ny  Contrôleur Général de police Erick Michel Wouli Soumah Idrissa, ary ny Sekreteram-panjakana miadidy ny Zandarimariam-pirenena, ny Jeneraly Randriamanarina Jean Christophe. 

Nohamafisin’ny ministry ny Fitsarana tamin’io fotoana io fa  “asa masina  ny asan’ny Fitsarana ka  nanentana ny rehetra izy  mba hanao ny asa ao anatin’ny fahatahorana an’ilay Mpahary”. “Andao isika, hiaraka hamongotra ny fitsaram-bahoaka fa samy tomponandraikitra,  na izaho na ianao mety hiharan’izany”, hoy hatrany ny teniny. Ezahina  araka izany ny fifampitam-baovao haingana   sy matotra  iarahan’ireo  mpitandro filaminana sy ny  vahoaka mba hisorohana ny mety hahatonga ny fitsaram-bahoka. 

Misy ireo milaza  fa  efa  tsy nahitana  ity tranga ity intsony tao an-toerana saingy  nanamafy ny Solombavambahaoka voafidy tao an-toerana fa  “tsy marina izany  ary aoka tsy ho afenina izay tena zava-misy”.  Marihina ihany koa mantsy fa vanim-potoanan’ny vokatra lavanila izao ka  mila hentitra ny rehetra amin’ny fitandroana ny fandriampahalemana.

Tatianà R. 

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés