Webradio

LALAO FAMARANANA POULES DES AS : Fiara sprinter 11 nitondra ny mpanohana ny Fosa Juniors Boeny

Hafana tokoa ary raha ny fahitana azy dia samy tsy hisy hanaiky ho resy raha tsy amin’ny tsotsorimamba hisarahana ny ekipa roa tonta dia ny Cnaps sport avy any Itasy izany sy ny Fosa Junior Boeny.  24 septembre 2018

Raha ity farany mantsy dia tena nanoman-tena fatratra mihitsy, hatramin’ny mpanohana azy ireo avy aty Mahajanga aza nahitana taratra izany fiomanana izany. Tsy mbola nisy ny tahaka izao, hoy ny mpikarakara, teo amin’ny fanomanana ireo mpanohana ny ekipan’ny Boeny ity. Niainga ny sabotsy hariva teo izy ireo ary ny ekipan’ny Fosa Juinior avokoa no niantoka ny lany rehetra.

Fiara Sprinter miisa 11 izay samy feno olona avokoa no niainga io ary raha ny vaovao azo avy amin’ireo namana mpanao gazety niaraka amin’ izy ireo any an-toerana dia tsy nisy ny olana teny an-dalana fa tonga soa aman-tsara. Hafana ny fanohanana, hoy hatrany ny tatitra azo, satria ny fanamby dia ny hampody ny amboara aty amin’ny Faritra Boeny. Na izany aza anefa dia tsy ho vita mora izany satria milalao ao amin’ny kianjan’ny Cnaps sport ary efa manana ny mpanohana azy tahaka ny mahazatra ihany koa. Raha fehezina izany dia samy zanaka mpanefy avokoa ny mpilalao roa tonta sy ny mpanohana azy ireo, ka tsy hifampidera taimby eo anatrehan’ny namany izany mihitsy. 

Marihina fa fihaonana fahaenina teo amin’ny ekipa roa ireto izao tanterahina izao ary saika nifandimby nandresy ny roa tonta. Ny andrasan’ny maro ho an’ ireo izay tsy afaka nanatrika ity lalao ity sy nanohana mivantana moa dia ny hitondran’ireo mpilalao ny amboara eto Mahajanga renivohitra satria ny ankamaroan’ ireo mpanohana dia manohana am-po sy an-tsaina amin’ity lalao ity.

Papin

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés