Webradio

FIVAROTANA HENA : Noampangain’ny sofin-kisoa teny ambony latabatra ireo mpangalatra

Vao tsy ela akory izay nahatraran’ ny polisin’ny Fip ny olona mpivady iray tao Ambalamanasy nangalatra omby.  1er octobre 2018

Ny Talata 25 septambra lasa teo, dia mpangalatra kisoa indray no nifanenjehana nanerana ny lalam-pasika tao Tanambao-Verrerie, nanomboka tamin’ny 12 ora antoandro be izao ary ny komandin’ny Fip ny Kaomisera, Rafaliarivo Jules, mihitsy no nitarika ny ekipa. Raha ny loharanom-baovao dia nisy tokantrano iray  very kisoa ary efa matetika lasibatra amin’izany.

Ny andron’ io talata io dia hitan’ny tompon-kisoa teny ambony latabatry ny mpivarotra iray teny an-toerana ny kisoany efa maty. Tamin’ny alalan’ny marika saro-pantarina mipetraka eo amin’ny sofin’ilay kisoa no nahalalany ity biby fiompy notezainy. Raha nanontaniana tokoa ilay mpivarotra henan-kisoa dia niaiky fa hena tsy nalaina tany amin’ny labatoara io amidiny io fa naterin’ olona tsotra teo fotsiny. Tsy nolanjaina akory fa natao tomba-maso no nividianana ity kisoa  efa maty ka ny harivan’io andro no hiverenan’ilay mpangalatra  haka ny vidin’ilay kisoa ireo mpanatitra hena. Vokany taorian’ny nahatongavan’ny polisin’ny Fip dia natao ny fikarohana an’ireo mpangalatra kisoa, ka voasambotra tao an-tokantranony ilay tovolahy kely iray izay notondroin’ilay ramatoa nivarotana an’ ilay hena halatra. Nitohy niantombka teo ny fikarohana an’ ireo tena atidohan’ny halatra kisoa izao saingy tafatsoaka.

Kamy

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés