FANOHINTOHINANA NY FILAMINAM-BAHOAKA : Olona miisa 17 naiditra am-ponja vonjimaika

Tafakatra 17 amin’izao fotoana ireo olona nampidirina am-ponja vonjimaika noho ny fanakorontanana nitranga tao an-tampon-tanànan’i Morondava  ny 27 sy 28 septambra lasa teo iny. 11 octobre 2018

 Araka ny loharanom-baovao voaray dia ny talata lasa teo no niakatra fampanoavana izy ireo. Raha tsiahivina kely dia fandrobana, fanohintohinana ny filaminam-bahoaka no nanenjehana azy ireo tamin’ny fotoana  nanaovan’ireo tantsaha ny fitokonana momba ny raharaha mahakasika ny tohodranon’i Dabaraha. 

Nisy ny fanara-raotana nataon’ireo olon-dratsy   izay naharatrana olona marobe. Nandritra ny fanadihadiana lalina nataon’ny mpitandro filaminana no nahatrarana ireo olona  notanana am-ponja vonjimaika ireo. Amin’ny ankapobeny dia efa miverina amin’ny laoniny ankehitriny ny fiainana andavanandron’ny mponina taorian’ ny fametrahana ny  fepetra hentitra momba ny fivezivezen’ny mponina amin’ny alina. Mbola mitohy hatrany hatreto ny famotorana ity tranga iray ity raha ny fanazavana voarainay teo am-panoratana omaly.

Tatianà R.