Webradio

KIDNAPPING NAHAFATY KANDIDA DEPIOTE : Miisa 7 ireo voasambotra, kandidà mpifaninana aminy ny iray

Olona miisa fito, izay  vehivavy ny telo nosamborin’ny kaompanian’ny Zandarimaria tany Tsaratanàna, voarohirohy tamin’ny fakàna an-keriny an-dRakotozafy Haingotiana Bozon Denis Fugan, isan’ny nilatsaka ho mpifaninana amin’ny fifidianana solombavambahoaka, maty novonoin’ireo mpaka an-keriny efa ho herinandro izay.  24 mars 2019

Tsiahivina moa fa ny ampitson’io fakàna an-keriny io, rehefa nisy ny fifanenjehana teo amin’ireo Zandary sy ireo mpaka an-keriny ireo dia tratra ny iray tamin’ireo 3 lahy nandray anjara mivantana tamin’ izany. Ny famotorana natao azy io, no nitarika ny fisamborana ireo 6 mianadahy hafa nahitana kandida ho depiote ny iray izay mpaniraka, vehivavy mpampianatra ny iray izay mpanome basy ary olona 4 hafa, mpiray tsikombakomba. 

Fantatra tamin’ny angom-baovao voaray  hatrany fa ny lehiben’ny jiolahy iray, antsoina  hoe Philibert, izay lavo tany Antsirasira Betrandraka tamin’ny fifandonana tamin’ ireo Zandarin’ny FIGN ny alin’ny 18 hifoha 19 marsa, ary nahafaty ilay Zandary iray teo dia isan’ny mpibaiko ireto mpaka an-keriny ireto, ny vehivavy sakaizany iray izay nampiatrano azy io dia isan’ireo voasambotra ihany koa. Hatolotra ny Fampanoavana ao Mahajanga ireo voarohirohy ireo. Mitohy hatreto hatreto ny fikarohana  ny jiolahy mbola tsy hita popoka, isan’izany i Del kely.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés