Webradio

FIJALIANA SOLIKA AO ANTALAHA : Manambana hitroatra ireo mpamily “Bajaj”

Raha  ny fitarainana voaray  avy  amin’ny  mpanjifa  solika ao anatin’ny  Faritra Sava  dia  mbola tsy  voavaha ny  olana  manoloana ny  fijaliana  solika.   17 septembre 2019

Raha tsiahivina, efa hatramin’ny volana aogositra tany  ho any   no nisedra ny  tsy  fahampiana  solika   ny mponina  ao  Antalaha, Antsohihy, Sambava. Manjaka sy  mahazo  vahana ny  varo-maizina sy risoriso.  Azo lazaina, hoy izy ireo fa lasa bizina vaovao sy ketrika avo lenta ny varotra lasantsy ankehitriny, izany hoe mirohotra mivarotra any anelakelan-trano   avokoa ny olona, manararaotra  mampiakatra ny  vidiny  amin’izay tiana.

Araka ny zava-misy  ny faran’ny  herinandro lasa teo iny  izao  dia  saika  feno zerikana sy ireo fiarabe) mitondra barika manga indray ny fivarotan-dasantsy, izy ireny rahateo no mahazo voalohany  ary tsy maintsy omena izay tadiaviny.  Raha vao misy solika tonga  eo  an-tanàna dia  efa ifandrombahana,  ka fotoana vitsy aty aoriana dia tapitra ritra,  hoy  ny fanazavan’ny tompon’andraikitra. Nisy  ny fanamarihana nataon’ny  mpamily  Bajaj ao an-toerana izay  manambara fa ny mpitondra zerikana indray no mahazo izay ilainy, satria voalaza fa  ahazahoan’ny ’pompiste’  roa arivo  ariary isaky ny zerikana (20 litatra eo) izy ireny".

 Lasa ireo  mpamily indray no tsy  mahazo  ny anjarany, hany   tsy  afaka miasa ara-dalàna  noho ny tsy fisiana lasantsy. Ny tena olana amin’ny  mpividy solika amin’ny zerikana  anefa dia izy ireo  indray no mivarotra  ny   solika eny anelakelan-trano rehetra eny sy any ambanivohitra  izay  efa mahatratra 5.000 Ar ny ivarotan’izy ireo ny 1 litatra, indraindray  aza mahatratra 6.000Ar na 8.000Ar  mihitsy.  Misy manararaotra hatrany amin’ny 9.000 ar  aza rehefa tena hamatra  sy lany  tanteraka eny  amin’ny  tobin-dasantsy.

Manaitra ny tompon’andraikitra mahefa

 Miangavy  tanteraka ny tompon’andraikitra ny mpanjifa, indrindra fa  ny  mpamily  bajaj manoloana izao toe-draharaha izao.  Tsara hatrany,  hoy  izy ireo, ny manamarika fa  ny fivarotan-dasantsy  dia ny Jovena, Shell ary Total, ary  tokony  ireo ihany no mpivarotra solika ara-dalàna ao Antalaha.  Raha toa kosa anefa  tsy  misy  ny fandraisana andraikitra hentitra eo anatrehan’ity  fampanjakana  ny varo-maizina ity dia  hitroatra sy hanomana hetsika goavana  ny  mpamily, mpampiasa fiara ao an-toerana raha ny  fanampim-panazavana  voaray  hatrany.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés