Webradio

LOZAM-PIFAMOIVOIZANA RN 12 : Mpandeha miisa 3 naratra mafy vokatry ny tandrevaky ny mpamily

Nisesisesy   tato ho ato  ny  trangana lozam-pifamoivoizana  miseho any  amin’ny  lalam-pirenena  faha-12 iny .  17 octobre 2019

Raha tsiahivina dia vao  tamin’ny  Sabotsy  faran’ny  herinandro  lasa teo  no  nisy  lozam-piarakodia nahafatesan’olona miisa  fito ,  ny  15 oktobra lasa teo  indray  anefa dia fantatra fa  fiara “Mercedes sprinter” iray mpitatitra olona no niharan-doza. Araka ny fanampim-panazavana voaray bebe kokoa  avy  amin’ny  Zandarimariam-pirenena  omaly  dia ny  talata lasa teo, tokony  ho tamin’ny  11 ora  maraina tao  Vondranga Ambohimandroso no nivadika ny  fiara izay  voalaza fa  noho ny  tsy  fitandreman’ny  mpamily. Marihina fa avy  aty  an-drenivohitra  hihazo  an’i  Vangaindrano  ity  fiara ity   no  izao  tra- doza izao. 

Vokany, miisa telo  ireo naratra  mafy izay  noentina notsaboina  haingana  tao amin’ny  Hopitalibe Manakara.  Tsy  nisy  kosa  ny  aina nafoy. Manoloana  ity  tranga ity  ihany  dia nanao fitarainana  ireo  mpandeha mahakasika tandrevaka nataon’ ilay  mpamily  ka nahatonga ny  loza toy  ny  fandehanana mafy  loatra, tsy fanajana ny  hafainganam-pandeha. Misokatra ny fanadihadiana  ka  ny Borigady ao Manakara no mandray an-tanana izany.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés