Webradio

VOLAVOLAN-DALANA MIFEHY NY TETIBOLA 2020 : Andrasan’ireo solombavambahoaka fatratra

Araka ny fanazavana noentin’ny Minisitry ny Vola sy ny teti-pivoarana dia mety ho any amin’ny faran’ny volana any ho any io lalàna mifehy ny tetibola io vao ho tonga eny am-pelatanan’ny parlemanta.  17 octobre 2019

Heverina fa mbola handalo fandinihana lalina ny mahakasika io volavolan-dalàna io, ka antony mahatonga ny halavam-potoana tahaka izany. Ankilany, ny filohan’ny Antenimieram-pirenena, Christine Razanamahasoa anefa dia nangataka ny handefasan’ny fahefana mpanatanteraka io volavolan-dalàna io alohan’ny fotoana mba hahafahan’ny solombavambahoaka mandinika azy.

 “Hatramin’izao aloha mbola tsy tonga eo am-pelatanan’ny filohan’ny Antenimieram-pirenena ny volavolan-dalàna mifehy ny tetibola, inoana kosa nefa fa tsy maintsy ho tonga izany na tsy mbola amin’io fivoriana io aza”, hoy ny nambarany.  Ankoatra izay, nohamafisiny fa mba tsy hisian’ny olana amin’ny fandaniana an’io lalàna io dia ilaina ny fahatongavan’izany mialoha mba hahafahan’ireo Solombavambahoaka mamaky tsara amin’ny antsipiriany ireo andinin-dalàna ao anatiny. “Ny zavatra angatahinay dia  mba handefasana any aminay mialoha ny lalàna mahakasika ny tetibola sy ny vola satria ireny mazana no mampisy olana ao amin’ny antenimieram-pirenena, tsy afaka mamaky azy akory ireo depiote ka na lalàna tokony ho lany izao aza manjary mety tsy ho lany rehefa tsy voadinika tsara”, hoy hatrany ny fanazavany. Raha tsiahivina dia ny fandaniana ny volavolan-dalàna mifehy ny tetibolam-panjakana ho an’ny taona 2020 no tena hiompanan’ity fivoriam-be ara-potoana faharoa an’ireo Parelemanta ity. 

Nambaran’izy ireo fa isany tena zava-dehibe ny lalàna mifehy ny teti-bolam-panjakana io satria hiankinan’ny fampandehanan-draharaha maro eto amin’ny firenena. «  Tena zava-dehibe ny fandinihana ity tetibolam-panjakana ity satria tsy maintsy arahina avokoa ireo pitsopitsony ara-panjakana rehetra  », hoy ny fanazavan’ny Depiote Rasolonjatovo Honoré na Papasolo, filoha lefitry ny antenimieram-pirenena ho an’ny faritanin’Antananarivo. Nambarany koa fa efa  «  efa miomana amin’ny fandanihana izany ny depiote manana ny maro an’isa ao amin’ny antenimieram-pirenena na tsy mbola tonga eo am-pelatanan’izy ireo aza izany tetibola izany ».

Avotra Isaorana

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés