Webradio

GARE ROUTIERE ANDOHATAPENAKA : Mirongatra ireo trangana fisolokiana, sarona ilay jiolahy ikoizana

Nirongatra  tato ho ato  ireo trangana fisolokiana miseho amin’ny endriny maro samihafa eny amin’ny toby fiantsonan’ny taksiborosy Andohatapenaka. 4 novembre 2019

 Tovolahy manodidina ny 27 taona  indray teto no voasambotry ny Polisy avy ao amin’ny CSP7 teny Andohatapenaka, ny alakamisy 31 oktobra 2019 lasa teo , tokony  ho  tamin’ny 06 ora maraina noho ny  resaka fisolokiana. Fotoana fanararaotan’ny olon-dratsy hanaovana ny asa ratsiny ny fotoana fahatongavan’ny fiara taksiborosy vao maraina eny an-toerana. Maro  araka  izany ny entana very raha tsy mailo ny tompon’entana.  

Tamin’ity  tranga iray  ity  izao  dia nilaza  ho mitsena ny havany tonga vao maraina eny an-toerana ilay  jiolahy ary mampiresaka ny manodidina azy izy. Mody  mindrana finday mba hiantsoany io havany io kanefa teti-dratsy  ny  ao ambadika. Mampanantena hampiditra fahana be amin’ilay finday moa izy ka dia tsy misalasala ny tompona finday manome azy. 

Somary variana tampoka ny tompon’ilay finday  tamin’izay  fotoana  izay ary nanararaotra nitsoaka ity  mpisoloky  saingy  tsy  ela foana dia saron’ny Polisy ity  farany  rehefa  niantso  vonjy  ity  farany.  Tratra teny  aminy tokoa  ilay  finday rehefa natao  ny  fisavana azy.  Vaky  bantsilana tamin’izay rahateo koa  fa   miisa 10 ny  fitoriana mahakasika azy  hita  tao  amin’ny  Kaomisarian’ny  Boriborintany  faha-07.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés