Webradio

FAHALASAN’I DADAH RABEL (MAHALEO) : Notolorana mari-boninahitra « grand officier de l’ordre national »

Misaona  tanteraka ny  tontolon’ny  zavakanto  manoloana  ny  fahalasan’i “Dadah” ao amin’ny  tarika Mahaleo. 8 novembre 2019

Mpanakanto, nanana ny  lazany   ary  azo ambara fa nampiray  ny  Malagasy  ny  Kanto  navelany. Mangidy  amin’ireo  mpankafy  manerana ny  Nosy  ny  fodiamandriny  ary  koa  hita taratra fa mihena an-daharana tsikeliky ny ao anatin’ny  tarika, izay  tena naha ontsa tanteraka ny  rehetra. 

Ho fanomezam-boninahitra farany  azy  dia   tonga nidododo tetsy amin’ny lapan’ny fanatanjahan-tena Mahamasina avokoa ireo  mpankafy, ireo   mpanakanto  namana,  sy  ireo  solon-tenam-panajakana maro  be, ny  alarobia hariva 06 novambra lasa teo. 

Omaly  alakamisy  moa  dia  natao ny  fanaovam-beloma azy farany tao amin’ny fiangonana FJKM, katedraly Analakely  mialohan’ny  nanaterana ny nofo mangatsikany tao Mandrosoa Betafo izay misy ny fasan-drazany.  Tontosa ihany  koa ny  fanomezana  mari-boninahitra «   grand officier de l’ordre national  » an’ itompokolahy Dadah Rabel.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés