Webradio

TAOZAVATRA : Nanao fanofanana tenona nandritra ny 10 andro ny ao amin’ny Angaya

Ny Gescod no namaly ny antson’ny mpanao taozavatra mivondrona ao amin’ny kaoperativa Angaya.   17 décembre 2019

Nividianana “métier à tisser” ny kaoperativa Angaya ho tan-tsoroka amin’ny fampiroboroboana ny asan’izy ireo.  Tsy nijanona teo ny Gescod ka naka sy niantoka  mpampiofana manokana andriamatoa Claude, avy any Alarobia Ambatomanga  hanome ny fanofanana ho an’ireo mpikambana ao amin’ny kaoperativa Angaya ireo.  Rafia, penjy, satrana, hasy, kofehy, fahandamba… dia azo tenomina avokoa. Miisa fito ireo nanaraka ny fanofanana ka tao amin’ny tranoben’ny kolontsaina no nanaovana izany. Nahita ny fahaiza-manao nandritra ny fampirantiana tany Antananarivo izy ireo, ka nangataka ny homena fanofanana… 

Betsaka ny zavatra azo atao, “set de table”, “chemin de table”, harona, lamba sy ny maro hafa… Azo trandrahana ihany koa ka ampiasana akora hafa, toy ny jirofo, lavanila, azo ampiasaina hatramin’ny kely indrindra ny akora ka mihena ny akora lany.
Mandritra ny 30 andro ny fanofanana fa nozaraina telo ka ny andiany voalohany ity natao  tamin’ny volana desambra ity. Ny faharoa kosa hatao amin’ny volana avrily ary ny farany hatao ny volana jona. Manentana  hatrany ireo namany koa i Josiane filohan’ny kaoperativa Angaya mba ho tonga hanatrika ny fanofanana. Efa nahazo ny fahaizana mampiasa ilay fitaovana sy ny karazana akora azo ampiasaina aloha ireo andiany voalohany ireo fa ny fanatsarana azy sy ny fampisehoana ny fahaizan’ny tsirairay sisa.

Vanessa

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés