Webradio

TAMBAZOTRAN-TSERASERA « FACEBOOK » : Tsy marina ny filazana fa nisy matin’ny coronavirus tao amin’ny Hjra

Ny  talata alina, 17 marsa hifoha  ny alarobia 18 marsa lasa teo, niparitaka tamin’ny  tambazotran-tserasera «  facebook  » ny  filazana fa  misy  marary  tratran’ny  aretina «  coronavirus  » nindaosin’ny  fahafatesana tao  amin’ny  Hopitaly  Joseph Ravoahangy  Andrianavalona.  19 mars 2020

Kaonty «  facebook  »  ana renim-pianakaviana  iray  no   nanaparitaka izany  ary  nanindry  mafy  tokoa fa voamarina  fa efa  misy  ny aretina saingy  afenin’ny  mpitondra  fanjakana ny  tena zava-misy  marina. Nilaza ihany koa ity farany fa tampenam-bava ireo  mpitsabo mba tsy hilaza ny  marina. Nisy  mihitsy  aza moa ny  filazany tao anaty  lahatsorany fa  nisy mpitsabo iray nandray  an-tanana ny  marary   nitsoaka avy  hatrany  nody  any Ambositra  manoloana io toe-javatra io.

Betsaka  ny taitra  sy  nikoropaka raha  namaky  ny  lahatsoratra  kely navoakan’io  kaonty io   ka  samy  nandefa  fanamarihana tany amin’ny  rindriny  avy  ireo  mpisera  rehetra, naparitaka  mba ho hitan’ny  besinimaro izany.  Tsy ela  dia  nosokafana ny fanadihadiana momba ity  tranga ity  ka nanatanteraka fanambaràna,  omaly alarobia,   ny dokotera Jean Marie  Tale Teknikan’  ny  Hopitaly Joseph Ravoahangy Andrianavalona  fa  «  tsaho no  naely  tamin’ity  tambazotran-tserasera iray ity, miendrika fanakorontanana saim-bahoaka  ny  zavatra  navoaka. Tsy  marina  velively ny filazana fa   nisy  matin’ny aretina coronavirus tao  amin’izy ireo”. 

Nohamafisiny ihany koa  fa  “ity  hopitaly ity  dia miompana  betsaka amin’ny  resaka fandidiana  fa tsy  fitsaboana  akory. Eny amin’ny  “Institut Pasteur de Madagascar  irery ihany  koa no  anatanterahina  ny fitiliana  fa tsy  ao amin’izy  ireo“, hoy  izy nanamafy ny fanazavany.  Mila fitoniana ny rehetra  ka tsara  ny   manatsidika hatrany fa   tsy  mbola  tafiditra eto  amintsika ity  soritr’aretina iray  ity. Ny  eo  anivon’ny  Minisiteran’ny  filaminam-bahoaka   moa,  ny  fiandohan’ny herinandro  lasa teo dia efa nanambara  fa “ tsy  misangy  amin’ireo  olona  tia  manaparitaka vaovao  tsy   marina  izy  ireo”. Arahin’ny  mponina akaiky  araka izany ny fandraisan’andraikitra amin’ireny olona mbola minia  manely  tsaho, mampikorontana  saim-bahoaka  manoloana ny toe-draharaha amin’izao  fotoana izao.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés