Webradio

FAKANA AN-KERINY : Narodana ilay trano fanafenana olona teny Ambohimahitsy

Taorian’ny famotorana lalina notanterahin’ny Zandarimariam-pirenena momba ny resaka “kidnapping” na fakana an-keriny ny 27 avrily 2020 notanterahin’i Lama jiolahy raindahiny dia vaky bantsilana avokoa ny ratsy vitany taty aoriana, mbola karohina hatrany rahateo koa moa ireo namany. 18 mai 2020

Tamin’ity fotoana ity no nahafantarana ny mombamomba ilay trano teny Manankasina Ambohimahitsy fa fanafenan’ireo olon-dratsy ireo olona nalaina an-keriny. Marihina hatrany fa lasibatr’ireto farany ireo teratany karana monina eto amintsika. 
Anisany nafenina tao amin’ity trano ity koa izao i Navaz Veldjee, ny 13 desambra 2019. Fantatra tao anaty fanadihadiana natao fa ity trano naorina teo amin’ity toerana ity dia tsy nahazoana fahazahoan-dalana akory ary nanana olana tamin’ny Fiangonana Katolika ihany koa ny milaza ho tompony satria voamarina fa an’ny Katolika ny tany, raha ny loharanom-baovao. 

Na ireo nanorina ity trano ity aza dia anisany tafiditra tao anatin’ny mpiray tsikombakomba tamin’ireo jiolahy. Ankehitriny moa dia efa narodana tanteraka ity trano ity. Tonga teny an-toerana ny bildozera nandrava izany sy ireo Zandary manara-maso akaiky ny raharaha. Raha ny nambaran’ny Minisiteran’ny fanajariana ny tany dia nanamafy izy ireo fa tsy tokony ho lasan’ireo olon-dratsy mpanao “kidnapping” intsony io tany io ary tsy ananany zo hanorenana trano intsony fa miverina soa aman-tsara amin’izay tena tompony dia ny Fiangonana Katolika.

Tatianà R.

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés