Webradio

VOLA VERY - OUEST SUCRE NAMAKIA : Olona telo notazomina am-ponja vonjimaika

Ny mpitam-bola roa sy ny lehiben’ny mpiambina ao amin’ny orinasa Ouest Sucre Namakia no naiditra am-ponja vonjimaika rehefa niakatra Fampanoavana mikasika ilay raharaha vola very tao amin’ny Ouest Sucre Namakia.  13 novembre 2020

Ny 23 oktobra teo no nentina teto Mahajanga izy ireo, taorian’ny fanadihadiana nataon’ny Sampana fikarohana ny heloka bevava avy eto Mahajanga. Raha tsiahivina dia ny 4 oktobra teo no very tao amin’ity orinasa ity ny vola mitentina 180 tapitrisa Ariary saika nandoavana ny karaman’ireo mpiasa sy ny mombamomba azy. Ny mpandray vola no nangataka izany tamin’ny Sinoa mpitantana ny orinasa ary tsy nozaraina avy hatrany fa mbola notazominy. 

Nambarany moa fa nataony tao anaty vata fitoeram-bola ao am-piasany ihany io vola io ary nandeha nody izy. Ny ampitson’io dia nanjavona ny vola, ny trano tsy vaky. Nambaran’io mpandray vola io hatrany moa fa napetrany tao am-piasany ny lakilen’io vata nisy ny vola io. Tsiahivina fa ny Fanjakana sinoa no mitantana ny orinasa Ouest Sucre, fa tsy olon-tsotra tsy akory, ka tsy mora ny famoahana vola fa misy fenitra tsy maintsy arahina. 

Nahiana ny tsy hahazoan’ny mpiasa ny karama sy ny zo tokony ho azy taorian’ity halatra ity. Taorian’ny nanaovana famotorana ireo olona ireo sy ny fampidirana am-ponja azy ireo vonjimaika moa dia mbola tsy nisy hita ny vola, ka mbola mitohy ny fanadihadiana.

Vanessa

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés