Webradio

RENIVOHITR’I TOAMASINA : Mirongatra ny halatra fitaovam-pitaterana

Taorian’ny fisian’ireo jiolahy nikasa hanao fanafihana mitam-piadiana farany teo ka nahalavo ny efatra tamin’ ireo fito mianadahy tao anatina fitaovam-pitaterana Bajaj iray dia niroso tamin’ny fanaraha-maso akaiky ireo karazam-pitaterana rehetra mivezivezy ary ny miditra sy mivoaka eto an-drenivohitr’i Toamasina ny polisy mba hisorohana mialoha ireo mpanao asa ratsy izay toa zary lasa mahazo vahana tato ho ato. 30 novembre 2020

Vokany, lehilahy roa lahy saron’ny polisin’ny Fip tao Valpinson, ny alin’ny zoma teo, tokony ho tamin’ny 9 ora alina, ka nahatrarana an’ i Fano Gaetan 25 taona, "mécanicien" mpiasa amina garazy iray ao Morafeno sy Mahafehy Armand Laurent, 35 taona, "mécanicien" eny amina garazy iray ao Morarano. Tuc-tuc mitondra laharana 7647 AH kosa ilay nangalarina ary an-dRajaonarison Hery monina ao Tanambao Fahadimy.

Lasibatra ihany koa ny posiposy bisikileta

Ny alakamisy 26 novambra antoandro, tokony ho tamin’ny 1 ora, raha sendra mbola variana nisakafo ny tompona posy bisikileta iray dia nanararaotra nangalatra ilay posiposy ny tovolahy iray antsoina hoe Roro Justin 20 taona, ka nitondra ny posy bisikileta nitsoaka nandositra. Nisy nahatsikaritra izany ka raikitra ny fifanenjehana, ka tratra ihany ilay mpangalatra farany ary raikitra teo ny daroka sy vono. Raha tsorina dia efa nananontanona ny fitsaram-bahoaka, efa teny an-tanan’ny fokonolona ny hazo sy vato ary kodiarana handorana azy fa saingy haingana ny fahatongavan’ ny polisin’ny Fip ka tsy tanteraka ny fitsaram-bahoaka. 

Ny polisin’ny Fip izay nanentana ny fokonolona mba tsy hanao fitsaram-bahoaka fa hiantso haingana ny mpitandro filaminana hatrany raha mahita trangan-javatra manahirana toy izao.

Raha iverenana mantsy dia fitaovam-pitanterana tuc-tuc na posiposy bisikileta halatra matetika no ampiasan’ny jiolahy manao ny asa ratsy ao Toamasina.

TH

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés