Webradio

FANJAKANA ARA-DRAZANA : Hovelomina indray ny fiaraha-miasan’ny Merina sy Antemoro

Tonga nanao fitsidihana ara-pomba ofisialy ny Antenimieranandriana Merina ny foko Anteony avy amin’ny fanjakana Antemoro, notarihin’ny Jeneraly Jean Luc Hariniaina, filoha lefitry ny fikambanan’ny zanak’Anteony eto Antananarivo.  19 décembre 2022

Notronin’ny Zanaky ny Ndrenogny Ramahasitrakarivo teo aloha (efa niamboho) avy ao amin’ny Lapan’i Fenovola Vohipeno. Manana tantara lehibe eto amin’ny Nosy ny Antemoro sy Merina eo amin’ny fitantanana fanjakana hatrizay, ka manomboka eto no iaraha-midinika amin’ny fametrahana vina iraisana ho amin’ny fiaraha-miasa vaovao, hoy ny fanazavana. Fiandrianana mifototra amin’ny fanajana ny soatoavina malagasy nisy hatrizay no rafitra kinendry. 

Azon’ny Anteony antoka rahateo fa ara-drariny ny fijoroan’ny Antenimieranandriana Merina tarihin’ny filohany Hamon Andriamahary, antony nanomezan’izy ireo voninahitra ny lanonana ofisialy, fanolorana azy ny andraikitra hitantana azy, na eo aza ireo fikambanana miseho an-tambajotran-tserasera manohitra ity rafitra ity sy manangana Andriambenimerina hafa, hoy ny Jeneraly Jean Luc Hariniaina. Mbola hisy rahateo fotoana hitondran’ireo Ndrenogny sy mpitondra fanjakana ara-drazana Anteony tso-drano sy hasina ny Andriambenimerina Hamon Andriamahary ho marik’izay ato ho ato.

Herizo Randrianjafy

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message
  • Pour créer des paragraphes, laissez simplement des lignes vides.


Design et réalisation: VizEcho Media Copyright © Ino Vaovao.COM SA - octobre 2009 . Reproduction interdite - Tous droits reservés